Türkiyədə mikroavtobus dərəyə aşıb, 22 nəfər xəsarət alıb

Türkiyənin Şanlıurfa vilayətinin Suruç rayonunda kənd təsərrüfatı işçilərini daşıyan mikroavtobusun dərəyə aşması nəticəsində 22 nəfər xəsarət alıb.Bu barədə "Haber Global" məlumat yayıb.

Məlumata görə, qəza mikroavtobusun təkərinin partlamasından sonra sürücünün idarəetməni itirməsi nəticəsində baş verib.

Hadisə yerinə təcili tibbi yardım, yanğınsöndürmə və polis briqadaları cəlb olunub. Yaralanan 22 nəfər, əksəriyyəti qadın olmaqla, xəstəxanaya yerləşdirilib. Onların vəziyyətinin qənaətbəxş olduğu bildirilib.

Faktla bağlı araşdırma aparılır.