Çirklənmiş göyərtilər ABŞ-da minlərlə insanın zəhərlənməsinə səbəb olub

ABŞ-ın Miçiqan və Ohayo ştatlarında Cyclospora paraziti ilə çirklənmiş salat göyərtilərinin istehlakı ilə əlaqələndirilən 3 001 qida zəhərlənməsi halı qeydə alınıb, 90 nəfər xəstəxanaya yerləşdirilib.

CNN-in məlumatına görə, həkimlər kütləvi yoluxmaların səbəbinin Cyclospora parazitinin törətdiyi bağırsaq infeksiyası – siklosporiaz olduğunu bildirirlər. Parazit əsasən yarpaqlı göyərtilərdə, xüsusilə kahıda, eləcə də çirklənmiş suda rast gəlinir.

Mütəxəssislər infeksiyanın dəqiq mənbəyinin müəyyən edilməsinin vaxt aparacağını qeyd edirlər. Buna səbəb xəstəliyin uzun inkubasiya dövrü, patogenin laborator analizinin mürəkkəbliyi, həmçinin ABŞ-da ictimai səhiyyə müəssisələrində kadr və maliyyə resurslarının azalması göstərilir.

Gülnar Nazimqızı