SEPAH ABŞ-nin hərbi bazalarına zərbələr endirib

İran ABŞ-nin Yaxın Şərqdəki hərbi obyektlərinə raket və pilotsuz uçuş aparatları (PUA) ilə zərbələr endirdiyini açıqlayıb.Bu barədə İranın İslam İnqilabı Keşikçiləri Korpusu (SEPAH) bəyanat yayıb.

Bəyanata görə, Bəhreynin Əs-Səxir hava limanında yerləşən ABŞ hərbi bölmələrinin PUA-lar üçün saxlanc və təmir anqarları, həmçinin Salman limanındakı TF59 qüvvələrinin hazırlıq məntəqələri hədəfə alınıb.

SEPAH iddia edib ki, Küveytdəki Ərifcan hərbi bazasında ABŞ xüsusi dəniz təyinatlı qüvvələrinin yerləşmə məntəqələri, dəstək infrastrukturu və təchizat anbarları da məhv edilib.

Qurumun məlumatına görə, ABŞ ordusunun hücumlarına cavab olaraq bölgədəki Amerika hərbi obyektlərinə çoxsaylı raket və PUA zərbələri davam etdirilir. SEPAH həmçinin İranın silah-sursat ehtiyatlarının tükənməsi ilə bağlı iddiaların həqiqəti əks etdirmədiyini bildirib.

Bundan əvvəl vasitəçilərin İrana ABŞ ilə 10 günlük atəşkəs təklifi təqdim etdiyi bildirilmişdi.