Ərdoğanın sədrliyi ilə Türkiyə Milli Təhlükəsizlik Şurasının iclası keçirilir

Türkiyənin Milli Təhlükəsizlik Şurasının (MTŞ) növbəti iclası Prezident Rəcəb Tayyib Ərdoğanın sədrliyi ilə keçirilir.

"TRT Haber"in məlumatına görə, iclas Prezident Administrasiyasının iqamətgahında baş tutur.

İclasın gündəliyinə parlamentə təqdim olunan "Terrorsuz Türkiyə" qanun layihəsi, terror təşkilatının silahı yerə qoyması prosesi və bununla bağlı kəşfiyyat məlumatları daxil edilib.

Bundan başqa, terrorla mübarizə tədbirləri, regional və beynəlxalq təhlükəsizlik məsələləri də müzakirə olunur.

Gündəlikdə ABŞ ilə İran arasında davam edən gərginlik fonunda diplomatik təşəbbüslər, Qara dənizdə gəmiçilik təhlükəsizliyi, Kiprdəki son vəziyyət, Suriya və İraqdakı hadisələr, həmçinin İsrailin bölgədə həyata keçirdiyi hərbi əməliyyatlar da yer alır.