ABŞ Qətərə 4,5 milyard dollarlıq tanker təyyarələrinin satışını təsdiqləyib

ABŞ Dövlət Departamenti Qətərə 4,5 milyard dollar dəyərində dördədək KC-46A tanker təyyarəsi və əlaqəli avadanlıqların mümkün satışını təsdiqləyib.

Potensial müqavilə çərçivəsində Qətərə dördədək KC-46A təyyarəsi, səkkiz PW4062 turbofan mühərriki, radar xəbərdarlıq qəbulediciləri, lazer ötürücü qurğuları, infraqırmızı əks-tədbir sistemləri və digər avadanlıqların, eləcə də təlim və logistika xidmətlərinin təqdim edilməsi nəzərdə tutulur.

ABŞ Dövlət Departamenti bildirib ki, mümkün satış Qətərin müdafiə imkanlarını və ABŞ və müttəfiq qüvvələrlə qarşılıqlı fəaliyyət qabiliyyətini artıracaq, həmçinin ölkənin regional təhlükəsizlikdə strateji rolunu gücləndirəcək.

Departamentin açıqlamasına görə, sövdələşmə regionda əsas hərbi balansı dəyişdirməyəcək.

Bu, hələ yekun müqavilə deyil və satışın şərtləri üzrə danışıqların aparılması nəzərdə tutulur.

Gülnar Nazimqızı