Bu ölkə 50 il sonra məhv olacaq

Ən yüksək nöqtəsi dəniz səviyyəsindən cəmi 2 metr hündürlükdə olan Kiribati qlobal iqlim dəyişikliklərinin fəsadlarının ən bariz nümunəsi sayılır. 32 adadan ibarət arxipelaqda yerləşmiş bu ölkənin 50 il sonra sul altında qalaraq məhv olacağı deyilir.Milli.Az Reuters-ə istinadən bildirir ki, Okeaniyada yerləşən Kiribati mərcan adaları, palmalar, mərcan qayalıqları ilə zəngindir. Bu arxipelaq-dövlətdə yaşayanların əksəriyyəti balıqçılıqla yaşayır.Kiribati həm də əhalinin ən sıx olduğu dövlətlərdən biridir. Belə ki, ölkə əhalisinin sayı 110 min nəfərdir. Onların yarısı bir gölün, mərcan qayalıqlarının və bərzəxlərin bir-birinə bağladığı kiçik adalardan ibarət Cənubi Travada yaşayır.Kiribati 1970-ci ildə Britaniya müstəmləkəçiliyindən qurtulandan sonra əhalisi sürətlə artmağa başlayıb, okean sahillərində yeni kəndlər və qəsəbələr yaranıb.Ərazinin az olması kənd təsərrüfatı sahələrinin azalmasına, əhalinin idxaldan asılı qalmasına səbəb olub.Kiribati prezidenti Anote Tonqun dediyinə görə, okena sularının adaların içlərinə sızması nəticəsində içməli su mənbələri sürəkli azalır."Adaları su basır, içməli su mənbələri məhv olur. Adaların əksəriyyətində belə vəziyyətdir", - Tonq deyib.Taravanın şimalında, təxminən 10 min nəfərin yaşadığı Abaianq adlı qəsəbə okean dalğalarının altında qalaraq yox olub.Cənubi Taravadakı yolları qorumaq üçün onların kənarlarına qum doldurulmuş kisələr qoyulub. Fəqət, ekspertlərin dediklərinə görə, qum kisələri okean sularının qarşısını çox ala bilməyəcək.Dünya Bankı və BMT Kiribatiyə yardım etməyə çalışsa da, bu yardımlar tərs effekti verir. Məsələn, Taravada içməli su borusu və keçidi qorumaq üçün onların ətrafına beton divarlar çəkilib. Kiribati İctimai İşlər və Nəqliyyat Nazirliyinin əməkdaşı, mühəndis Klif Jullera deyir: "Həmin divar o bölgədəki içməli su mənbələri məhv etdi. Dünya Bankı ilə BMT-nin proqramları dəqiq hesablanmadığından ciddi problemlərə, fəsadlara səbəb olur".Bütün bunlarla yanaşı, Kiribatidə yaşayış məskənlərinin kənarlarını su basması nəticəsində bakterial infeksiyalar və yoluxucu xəstəliklər sürətlə yayılmağa başlayıb. "Nə edəcəyimizi bilmirik. Bizə deyirlər ki, 50 il sonra Kiribati su altında qalacaq. Problemlərlə təkbaşına mübarizə aparmaq, ölkəmizi qorumaq imkanlarına sahib deyilik. Sanki dünya bizdən üz döndərib", - Kiribati prezidenti Anote Tonq söyləyib.ANN.Az