ABŞ-də Trampın təsviri olan dollar sikkələr buraxılıb

ABŞ-də Ağ Ev lideri Donald Trampın təsviri olan 1 dollar nominallı sikkələr dövriyyəyə buraxılıb.Bu barədə ABŞ Zərbxanası öz saytında məlumat yayıb.

Sikkələri qurumun rəsmi saytında da satın almaq mümkündür. Yüz sikkənin qiyməti 154 dollar təşkil edir.

Ön tərəfində Trampın təsviri, həmçinin "LIBERTY, IN GOD WE TRUST" və "1776-2026" yazıları yerləşdirilib.

Arxa tərəfində ABŞ-nin Prezident möhürü - zeytun budağı və oxları olan qartal təsvir edilib. Qalxanın üzərində ABŞ-nin müstəqilliyinin 250 illiyi şərəfinə "250" rəqəmi yerləşdirilib. Sikkədə həmçinin "UNITED STATES OF AMERICA, "ONE DOLLAR" və "E PLURIBUS UNUM" yazıları qeyd olunub.

Trampın təsviri olan sikkələrin buraxılacağı barədə ilk xəbəri iyulun 15-də ABŞ-nin maliyyə naziri Skott Bessent yayıb.