Hamilə qadınların ABŞ-yə girişi məhdudlaşdırıla bilər

ABŞ-nin Daxili Təhlükəsizlik Nazirliyi (DTN) Ədliyyə və Səhiyyə nazirlikləri ilə birlikdə “doğuş turizmi”nin qarşısını almaq məqsədilə hamiləliyin son mərhələsində olan qadınların ölkəyə girişinin məhdudlaşdırılması imkanını nəzərdən keçirir.Bunu DTN rəhbəri Markueyn Mallin “Fox News” telekanalına müsahibəsində bildirib.

Onun sözlərinə görə, məsələ Səhiyyə naziri Robert Kennedi və Baş prokuror, eyni zamanda Ədliyyə naziri Todd Blanşla müzakirə olunur.

Mallin bildirib ki, ABŞ hakimiyyəti ölkədə doğulan uşaqlara vətəndaşlığın avtomatik verilməsinin məhdudlaşdırılması ilə bağlı tədbirləri də nəzərdən keçirir.

“Bəlkə də onların hamiləliyin son mərhələsində ölkəyə gəlməsinin qarşısını almağa diqqət yetirməliyik”, - Mallin deyib.