İshaq Dar və Hakan Fidan Məkkə sazişini müzakirə ediblər

Pakistanın xarici işlər naziri Məhəmməd İshaq Dar türkiyəli həmkarı Hakan Fidanla telefon danışığı aparıb.Bu barədə Pakistan Xarici İşlər Nazirliyi (XİN) “X” sosial şəbəkə hesabında məlumat yayıb.

Məlumata görə, tərəflər Məkkə Müdafiə Alyansı çərçivəsində əməkdaşlığın daha da inkişaf etdirilməsi yollarını müzakirə ediblər.

Danışıq zamanı regional və beynəlxalq məsələlər ətrafında fikir mübadiləsi aparılıb.

Nazirlər qarşılıqlı maraq doğuran məsələləri, eləcə də çoxtərəfli platformalarda əməkdaşlığın gücləndirilməsi imkanlarını müzakirə edib və sıx təmasları davam etdirmək barədə razılığa gəliblər.

Qeyd edək ki, Pakistan, Səudiyyə Ərəbistanı və Türkiyə birgə müdafiə haqqında saziş imzalayıb. Sazişə əsasən, tərəflərdən birinə qarşı silahlı hücum bütün iştirakçılara qarşı hücum kimi qiymətləndiriləcək.