ABŞ-də oyun meydançasında atışma olub, ölənlər var

ABŞ-nin Nyu-York şəhərinin Bruklin rayonunda yerləşən oyun meydançasında baş verən atışma nəticəsində iki nəfər ölüb.Bu barədə “New York Post” polisə istinadən məlumat yayıb.

Hadisə Braunsvill məhəlləsindəki “Howard Playground”da baş verib. Yaxınlıqda olan polis əməkdaşları silah səsləri eşidib və bir neçə nəfərin hadisə yerindən qaçdığını görüblər.

Hadisə yerinə gələn polis iki kişini güllə yaraları ilə aşkarlayıb. Onlar xəstəxanaya çatdırılıb, lakin həkimlər həyatlarını xilas edə bilməyiblər.

Polis hadisə ilə bağlı müşahidə kameralarının görüntülərini araşdırır. Atışmanın səbəbləri və hadisənin digər təfərrüatları müəyyənləşdirilir. Hazırda şübhəli şəxsin saxlanıldığı barədə məlumat yoxdur.