Ankarada axtarışda olan FETÖ üzvləri saxlanılıb

Türkiyənin Ankara şəhərində FETÖ üzvlüyünə görə axtarışda olan iki nəfər saxlanılıb.Bu barədə "TRT Haber" məlumat yayıb.

Məlumata görə, Ankara İl Jandarma Komandanlığının Jandarma Cinayət Araşdırma Qrupu (JASAT) tərəfindən keçirilən əməliyyat nəticəsində iki nəfər müəyyən edilərək saxlanılıb.

Onların hər birinə "silahlı terror təşkilatına üzv olmaq" ittihamı ilə 6 il 3 ay müddətinə qəti həbs cəzası verildiyi bildirilib.

Saxlanılan şəxslər barəsində hüquqi prosedurlar tamamlandıqdan sonra cəzaçəkmə müəssisəsinə göndəriliblər.