SEPAH: Hörmüzdə ABŞ ordusuna aid sualtı qurğu ələ keçirilib

İran İslam İnqilabı Keşikçiləri Korpusunun (SEPAH) Hərbi Dəniz Qüvvələri Hörmüz boğazında ABŞ-a məxsus ikinci sualtı pilotsuz qurğunu ələ keçirdiyini açıqlayıb.Bu barədə “Tasnim” agentliyi xəbər verir.

SEPAH HDQ-nin məlumatına görə, qurğu radioelektron mübarizə vasitələrindən istifadə edilməklə həyata keçirilən əməliyyat zamanı ələ keçirilib.

SEPAH qurğunun Hörmüz boğazında kəşfiyyat məqsədilə fəaliyyət göstərdiyini bildirib. Məlumata görə, aparat daha əvvəl ələ keçirilən “Remus 600” tipli sualtı pilotsuz qurğunun bir növüdür.

SEPAH HDQ qurğunun hazırda mütəxəssislərin ixtiyarında olduğunu və onun məlumatlarının bərpası üzərində iş aparıldığını qeyd edib.