Pensilvaniyada atışma baş verib, doqquz nəfər həlak olub

ABŞ-nin Pensilvaniya ştatının Eri şəhərində baş verən atışma nəticəsində ikisi uşaq olmaqla, azı doqquz nəfər ölüb.Bu barədə CBS telekanalı məlumat yayıb.

Məlumata görə, hadisə yerinə gələn polis əməkdaşları ilə şübhəli şəxs arasında saatlarla qarşıdurma yaşanıb.

Şahidlər bir kişinin silahla atəş açdıqdan sonra evə girdiyini bildiriblər. Polis hadisə yerində küçədə iki qadının, evin daxilində isə daha bir neçə nəfərin meyitini aşkar edib.

Polisin məlumatına görə, şübhəli şəxs də ölü tapılıb. Hüquq-mühafizə orqanları əhali üçün təhlükənin olmadığını bildiriblər.