İqnasio Kassis Ermənistan və Gürcüstana səfər edəcək

İsveçrənin xarici işlər naziri, ATƏT-in fəaliyyətdə olan sədri İqnasio Kassis oktyabrın 14-16-da Ermənistan və Gürcüstana səfər edəcək.Bu barədə İsveçrənin Xarici İşlər Nazirliyi məlumat yayıb.

Kassis oktyabrın 15-də İrəvanda Ermənistanın Baş naziri Nikol Paşinyan və xarici işlər naziri Ararat Mirzoyanla görüşəcək. Görüşlərdə Cənubi Qafqazda sülh prosesi və regional əməkdaşlıq məsələləri müzakirə olunacaq.

Nazir oktyabrın 16-da Tbilisidə Gürcüstanın Baş naziri İrakli Kobaxidze və xarici işlər naziri Maka Boçorişvili ilə danışıqlar aparacaq.

Ermənistan və Gürcüstana səfərlər Kassisin regiona səfərinin ikinci mərhələsidir. O, avqustun 3-5-də Azərbaycan və Türkmənistanda olub.