Pakistanda sərnişin qatarı relsdən çıxdı - Ölənlər var

Pakistanın Multan şəhəri yaxınlığında "Rahman Baba Express" sərnişin qatarının relsdən çıxması nəticəsində ən azı dörd nəfər ölüb, 30-dan çox insan yaralanıb. Bu barədə "Dawn" qəzeti yazıb. 

Hesabatda qeyd olunur ki, qatar cənub liman şəhəri Karaçidən şimal-qərbdəki Peşəvər şəhərinə gedirdi. Qatar saatda 100 km sürətlə hərəkət edirmiş və təxminən 500 nəfər sərnişini olub. 

Zərərçəkənlərə tibbi yardım göstərilib.