İstanbulda sel nəticəsində köməksiz qalan 3055 nəfər xilas edilib

Türkiyənin daxili işlər naziri Mustafa Çiftçi İstanbulda baş verən sel fəlakəti nəticəsində köməksiz vəziyyətdə qalan 3 055 nəfərin xilas edildiyini bildirib.Bu barədə “TRT Haber” məlumat yayıb.

Nazirin sözlərinə görə, güclü yağışlar nəticəsində bir nəfər elektrik cərəyanının vurması, iki nəfər isə boğulma səbəbindən həyatını itirib.

Çiftçi bildirib ki, xilasetmə əməliyyatları Fəlakət və Fövqəladə Halların İdarə Olunması Agentliyi (AFAD), Sahil Mühafizəsi, jandarm və bələdiyyə əməkdaşları tərəfindən həyata keçirilib.

Hazırda İstanbulda beş, Kocaelidə isə bir nəfərin axtarışları davam etdirilir.

Türkiyədə iki gündür davam edən aramsız yağışlar nəticəsində bir sıra küçə, tunel və yeraltı keçidləri su basıb.