Yeni ilə qədər Günəşdə "çevriliş" olacaq - NASA-dan açıqlama

NASA-nın astronomları Günəşdə "çevriliş"in nə zaman baş verəcəyini və magnit sahələrinin nə zaman qütb yerdəyişməsi edəcəyini aydınlaşıdırıblar. Onların fikrincə, bu, cəmi 3 həftənin içində baş verəcək. 

ANN.Az-ın Rusiya mətbuatına istinadən verdiyi xəbərə görə, işdən çıxmağa, qiyamət günü təşvişinə ehtiyac yoxdur: Günəşdə qütblərin belə yerdəyişməsi hər 11 ildən bir baş verir. 

"Bu katastrof deyil, real nəticələri olan böyük hadisədir. Heç nədən qorxmağa ehtiyac yoxdur", - Stenford universitetinin fiziki Todd Hoks açıqlamasında deyib. "Günəşin magnit qütb sahələri zəifləyir, sıfıra qədər düşür, sonra isə yenidən digər magnit qütb sahəsinə hərəkətə keçir - bu, günəş tsiklinin normal elementidir", - digər elm adamı Fil Şerer açıqlamasında deyib. 

Ancaq o qədər də rahat olmağa da dəymir, çünki Günəşdəki bu aktivlik bütün günəş sisteminə öz təsirini göstərir. Yerdə bu, magnit burulğanlarına səbəb olacaq, sputniklərin və elektron priborların normal fəaliyyətinə mane olacaq.