Orxan Zeynalovla tutulan 200 miqrant Rusiyadan çıxarılıb

Moskva pristavları Biryulevo rayonunda miqrasiya qanunun müxtəlif cür pozulmasına görə saxlanan 200 miqrantı Rusiyadan çıxarıblar. 

ANS PRESS Rusiya mətbuatına istinadən bildirir ki, bu barədə bu gün Rusiya Federal Məhkəmə Pristavları Xidmətinin Moskva idarəsinin mətbuat xidmətindən bildiriblər. 

Mətbuat xidmətindən deyiblər ki, bu rəqəm daha da artacaq, çünki tərəvəz bazasında tutulmuş qeyri-leqal miqrantların ölkədən çıxarılması davam edir. 

Xatarladaq ki, Moskvanın Biryulevo rayonunda yerli sakin Yeqor Şerbakovun qətlindən sonra kütləvi ixtişaşlar başlamışdı. Talanlardan sonra 400 adam saxlanmışdı. Qətldə şübhəli bilinən Azərbaycan vətəndaşı Orxan Zeynalov da saxlanmışdı. 

ANN.Az