İŞİD-ın yeni təbliğatı - FOTOLAR

ANN.Az Oxu.Az-a istinadən xəbər verir ki, videoda Qazaxıstandan olan ekstremist uşaqların tərbiyə və təlim prosesi göstərilib. Videonun adı "Xeyirə doğru” adlanır. Dialoq iki dildə: qazax və ərəb dilində aparılır, ingilis dili də daxil olmaqla üç subtitr ilə müşayiət edilir. İlk kadrlarda İD-nin qara bayrağı ilə ağ atlı yer alır. Hamı eyni rəngli hərbi forma geyinib, yalnız başçılar qara rəngli formadadırlar. Kadr arxası səs: "Qazaxıstan torpaqlarından olan yeni qardaşlarımızla tanış olun” deyilir. Qazax yaraqlılarından biri ekstremistlərin təlim düşərgəsində necə hazırlıq keçdiyindən danışır. "Yaxın günlərdə onlar "İslam dövləti” ordusuna daxil olmağa hazır olacaqlar”, - kadr arxası səsdə deyilir.

 

 

Gənc dinləyicilər ərəb dilində "Allah böyükdür!” deyirlər, bundan sonra isə ekranda uşaqlar – gələcək ekstremistlər peyda olur. Avtobus onları dini məktəbə aparır. Uşaqlara oxuma və yazma ilə yanaşı, "sabahın mücahidləri”ni hazırlamaq üçün hərbi hazırlıq dərsləri də keçirlər. Qazaxıstandan olan uşaqlara bunlarla yanaşı şəriəti də öyrədirlər."Biz uşaqlığımızı bu şərafətdən kənarda keçirmişik. Bizi ateizm ruhunda tərbiyə ediblər, indi isə biz sığınacaq tapmışıq: Allah”, - müəllimlərdən biri deyir. "Bizim uşaqlar xoşbəxtdirlər. Onlar Quranın kölgəsində yaşayırlar”, - təxribat çarxının digər personajı deyir. Allahın gələcək döyüşçülərinə tapançadan istifadə etməyi və taktiki manevrlər öyrədirlər. Oğlanlar məşq edir və döyüş sənətini öyrənirlər. Qazax uşaqlarından biri Abdulla deyir: "Mən düşərgədə məşq edirəm”. "Sən böyüyəndə kim olacaqsan?” sualına o, "Mən sən kafiri öldürən olacam. Mən mücahid olacam” cavabını verir.