Çernobılda faciədən sonra ilk

Ukraynanın Çernobıl şəhərindəki nüvə zavodlarında 1986-cı il aprel ayında baş vermiş partlayışdan sonra ətrafdakı təxminən 2 min 600 kilometrlik sahə radiasiyaya görə boşaldılmış, 110 min adam başqa yerlərə köçürülmüşdü.

ANN.Az dünya mətbuatına istinadən xəbər verir ki, bir qrup elm adamı beş illik bir layihə çərçivəsində boşaldılan sahədə radiasiyanın təbiətə təsirini izləyir. Daha əvvəl bölgədə boz ayıların varlığına dair bəzi ipuclarına rast gəlinmişdi, ancaq az qala 100 ildir heç kim onları görməyib. Bölgəni izləyən qrupun lideri Mayk Vud "BBC"-yə bunları söyləyib:

"Ukraynalı həmkarım Sergey Qaşçakın boşaldılmış sahəyə yerləşdirdiyi kameralar son bir neçə aydır görüntü toplayır. Bölgədə təbii həyatı araşdırılıb. Oktyabr ayındakı qeydlərdən birində boz ayıya rast gəldik. Daha əvvəl də bölgədə boz ayıların yaşadığı iddia olunurdu. Amma bu iddia ilk dəfə görüntülü olaraq sübut edildi".

ANN.Az