Nobel mükafatı tarixində ilk

DNT strukturunu ilk icad edən amerikalı alim Ceyms Uotsonun sahibi olduğu Nobel mükafatı Nyu Yorkda Christie's hərrac evi tərəfindən 4,1 mln dollara satılıb.

ANN.Az APA-ya istinadən xəbər verir ki, beləliklə, elm sahəsində ən yüksək mükafata layiq görülmüş 86 yaşlı Ceyms Uotson mükafatını satmağa qərar vermiş ilk Nobel mükafatçısı olub.    

Bundan başqa, Ceyms Uotsonun 1962-ci ilin  dekabrın 10-da Stokholmda Nobel Komitəsinin təntənəli mərasimində çıxışı üçün hazırladığı əlyazma tezislər 300 min dollara satılıb.  Həmçinin, Ceyms Uotsonun mühazirəsinin hərraca çıxarılan əlyazma və qaralaması isə 200 min dollara satılıb.   

Alim əldə ediləcək vəsaitlərin xeyriyyə tədbirlərinə xərcləyəcəyini bildirib.

ANN.Az