Dünyanın ən təhlükəli terrorçusu tutuldu

2012-ci ildə ABŞ-ın Liviyadakı konsulluğuna hücumun təşkil etmıkdə şübhəli bilinən Abd əl – Baset Azzuz Türkiyədə saxlanılıb və ABŞ-a təhvil verilib.

ANN.Az AzVision.az-a istinadən xəbər verir ki, O, Türkiyədə saxta pasportla yaşayıb. Türkiyə və ABŞ Mərkəzi Kəşfiyyat İdarəsinin (MKİ) birgə əməliyyatı çərçivəsində saxlanılıb. Daha sonra o, İordaniyaya aparılıb, buradan isə ABŞ-a göndərilib.

980-cı illərdə Azzuz Əfqanıstanda Sovet qoşunlarına qarşı mübarizə aparıb. 1994-cü ildən o, Böyük Britaniyada yaşayıb və 2006-cı ildə terrorizm iddiası ilə həbs olunub və sonra azadlığa buraxılıb. 2011-ci ildə o, Liviyaya gəlib və "Əl-Qaidə” yaraqlılarına təlim keçib. ABŞ Azzuzu dünyanın ən təhlükəli 10 terrorçusu siyahısına daxil edib. 2012-ci ilin sentyabrında ABŞ-ın Benqazidəki konsulluğuna hücum zamanı ABŞ-ın Liviyadakı səfiri Kristifer Stivensdə daxil olmaqla dördə amerikalı öldürülüb.

ANN.Az