Rusiyadan daha bir təyyarə provakasiyası

Rus döyüş təyyarəsinin beynəlxalq hava sahəsində İsveçin sərnişin təyyarəsinə çarpacaq qədər çox yaxınlaşdığı bildirilir.

ANN.Az dünya mətbuatına istinadən xəbər verir ki, hadisə ötən cümə günü baş verib. İsveçin cənubunda beynəlxalq hava sahəsində bir rus döyüş təyyarəsi sərnişin təyyarəsinə çox yaxınlaşıb.

Danimarkadan Polşaya getməkdə olan sərnişin təyyarəsi İsveç səlahiyyətlilərin istiqamətləndirməsindən sonra rus döyüş təyyarəsi ilə toqquşmadan xilas olub. Rusiya tərəfi isə xəbəri təkzib edib.

Qeyd edək ki, Ukrayna böhranından sonra Rusiya, Avropa hava məkanında döyüş təyyarələri ilə uçuşlarını artırıb.

ANN.Az