Jerar Depardyedən təəccübləndirən açıqlama

Məşhur fransız aktyor Jerar  Depardye insanları təəccübləndirən açıqlama verib.

ANN.Az dünya mətbuatına istinadən xəbər verir ki, aktyor Burkino Fasoda maşınlarının xarab olduğunu və həmin vaxt qarşılarına çıxan iki şiri vurub sonra yediklərini etiraf edib. Depardye Burkino Fasoda yaşadıqlarını ingilis "İndependent Magazine"ə belə şərh edib:

"Maşın xarab olanda əlacsız qaldıq. Bir müddət sonra iki şir gəlib avtomobilin önündə oturdu. Onlar heç bir yerə getmədiyindən avtomobildən çıxa bilmirdik. Afrikalı sürücüm çox qorxmuşdu. Başqa çarəmiz yox idi, onları vurmaq məcburiyyətində qaldıq".

Depardye öldürmək məcburiyyətində qaldığı heyvanları yeyib yemədiyi soruşulduğunda isə, "Bəli yedim" deyə cavab verib.

ANN.Az