BMT: Suriyada ölənlərin sayı 200 min nəfərə çatıb

BMT baş katibinin müavini Valeri Amos qurumun Təhlükəsizlik Şurasının iclasında bildirib ki, Suriyadakı münaqişə nəticəsində ölənlərin sayı 200 min nəfərə, yaralananların sayı isə 1 milyon nəfərə çatıb.

ANN.Az APA-ya istinadən xəbər verir ki, V.Amos bu rəqəmlərin hər gün dəyişdiyini vurğulayıb.

Onun sözlərinə görə, Suriya əhalisinin yarısı evlərini tərk edib. Onlardan 7,6 milyon nəfəri ölkə daxilində yerlərini dəyişib, 3 milyon nəfəri isə qonşu ölkələrə sığınıb.

ANN.Az