İŞİD-çilər qızları zorlanmasın deyə, belə edirlər

İŞİD zülmündən qaçmaq istəyən ailələr erkən evliliyi seçir

Suriyada ailələr qızlarını İŞİD-dan qorumaq üçün erkən evləndirirlər. ANS PRESS-in məlumatına görə, bunu BMT-nin baş katibinin müavini Valeri Amos deyib. Amos İŞİD təcavüzünə, gənc qızların qul kimi satılmasına diqqət çəkib. 

Onun sözlərinə görə, ailələr bu bəladan qızları qorumaq üçün erkən yaşlarında evlənməyə məcbur edir. "İŞİD qızları Rəqqadakı bazarda qul kimi satır, alınan qızlar isə terrorçuların təcavüzünə məruz qalır"

O, Təhlükəsizlik Şurasının iclasında Suriyada humanitar vəziyyətin get-gedə pisləşdiyini deyib və dərhal kömək lazım olduğunu deyib. 

BMT-nin hesablamalarına görə, fevral ayında 100 min olan ölü sayı indi 200 min civarındadır. "7,6 milyondan çox suriyalı ev-eşiyini itirib. 3 milyondan çox suriyalı qonşu ölkələrə sığınıb. Suriyada işlənən vəhşət, şiddəti ifadə etmək üçün söz yoxdur". 

Amos humanitar yardımların əməliyyat bölgəsində olanların ancaq 5 faizinə çatdığını deyib. Onun sözlərinə görə, savaşın belə qaydaları olmalıdır. "Tibbi yardıma mane olmaq və ac saxlamaq beynəlxalq hüququ tərəfindən qadağan edilib".