Qısqanc qadın sevgilisinin maşınını dirəyə çırpdı- Video

Hadisədə maşındakı 28 yaşlı sürücünü və sərnişini kəllə-beyin travması ilə xəstəxanaya çatdırılıblar 

Volqoqradda qadın keçmiş sevgilisindən ağır intiqam alıb. 

"Qafqazinfo”nun gazeta.ru-ya istinadən məlumatına görə, sözügedən şəhərdəki yol qəzasının digərlərindən fərqi qısqanclıq zəminində baş verməsidir. Belə ki, "Mazda” sahibəsi, 24 yaşlı qısqanc qadın yolda keçmiş sevgilisinin maşınını görüb.

Avtomobildə tanımadığı qadının olduğunu bilən eks sevgili onu qısqanıb. Bundan sonra maşının sürətini artıran qız "Daewoo Nexia”nı yolun soluna doğru sıxmağa başlayıb. Nəticədə maşın işıq dirəyinə çırpılıb. Hadisədə maşındakı 28 yaşlı sürücü və sərnişini olan qadın kəllə-beyin travması ilə xəstəxanaya çatdırılıblar. 

Qəzanı törədən şəxs isə hadisə yerindən qaçıb.