Ramzan Kadırov: "Prezidentdən məni istefaya göndərməsini istəyirəm"

Çeçenistan Prezidenti Ramzan Kadırov istefa vermək və könüllülərlə birlikdə Donbasa döyüşə yollanmaq istədiyini bildirib.

ANN.Az Axar.az-a istinadən xəbər verir ki, Kadırov bu barədə mətbuata açıqlamasında deyib.

Çeçenistan liderinin sözlərinə görə, o bu istəyini Rusiya Prezidenti Vladimir Putinə də çatdırıb. "Mən prezidentdən məni istefaya göndərməsini istəyirəm. Donbasa getməyi və "Novorossiya” vətəndaşlarının maraqlarını müdafiə etməyi arzu edirəm”, - Kadırov deyib.

Qeyd edək ki, Ukraynada Ramzan Kadırova qarşı cinayət işi açılıb. Hələ iyunda Kadırov Donbası qorumaq üçün 74 min könülü göndərməyə hazır olduğunu bildirmişdi.