Putin: Rusiya ilə Türkiyənin üst-üstə düşən çoxlu maraqları var

Rusiya ilə Türkiyənin üst-üstə düşən çoxlu sayda regional maraqları var.

ANN.Az APA-ya istinadən xəbər verir ki, bunu Moskvada keçirilən ənənəvi brifinqdə Rusiya prezidenti Vladimir Putin deyib.

V. Putin qeyd edib ki, Türkiyənin iştirakı olmadan bir çox regional məsələnin həlli mümkün deyil. Avropanın Türkiyəni Rusiyaya qarşı sanksiyalara qoşulmağa vadar edəcəyinə əmin olduğunu deyən Rusiya prezidenti türkiyəli həmkarı Rəcəb Tayyib Ərdoğana bəzi məsələləri ictimailəşdirməməyi təklif etdiyini, lakin onun bundan imtina etdiyini bildirib.

V. Putin Ərdoğanı "krepki mujik” (güclü xarakterə malik kişi-red.) adlandırıb.

ANN.Az