Məktəblilərin qətliam videosu yayımlandı - VİDEO

Dünyanı qorxu altında saxlamaq istəyən terror təşkilatlarından biri olan Boko Haram ötən həftə Nigeriyada orta məktəbə etdiyi hücumun və qətliamın video-görüntüsünü yayıb.

ANN.Az xəbər verir ki, hadisə ölkənin şimalında Gvoza şəhərindəki Bama qəsəbəsində yerləşən bir orta məktəbin yataqxanasında baş verib. Xatırladaq ki, hadisə nəticəsində əksəriyyəti qadın və uşaq olan onlarla adam öldürülüb.

Videodan görünür ki, terrorçular çarpayıların arasına sığınan və özlərini qorumağa çalışan silahsiz vətəndaşları öldürür. Terrorçulardan biri - "Bu salonun döçəməsini qızılı rəngə boyadıq. Kafirlərə qarşı gələcəkdə atılacaq bütün addımlar da belə olacaq. Bundan sonra öldürmə, boğma, yox etmə və bombalama işğal etdiyimiz hər yerdə tək dini vəzifəmiz olacaq".