İŞİD-in başını kəsdiyi ingilislə bağlı ilginc fakt

Bir müddət əvvəl İŞİD-in başını kəsərək öldürdüyü ingilis hüquq müdafiəçisi Alan Henninqin ailəsi ilə bağlı maraqlı fakt ortaya çıxıb.

ANN.Az xəbər verir ki, bu barədə ingilis mediasına Alan Henninqin bacısı Gill Kenyon açıqlama verib.

Onun sözlərinə görə, hələ qardaşı sağ ikən və Suriyaya getməzdən bir qədər əvvəl gəlinləri Barbara Henninqin xəyanətinin üstünü açıb. Gill Kenyon danışıb ki, onun üçün məsələnin ən ağır tərəfi həm də bununla bağlıdır ki, gəlinləri qardaşına onun həyat yoldaşı Pat Kenyonla birgə xəyanət edib: "Təsadüfən onların sevgi mesajları əlimə keçdi. Oxudum və dəhşətə gəldim. Həmin ərəfədə qardaşım Alan Suriyaya gedəcəyini mənə bildirdi. Belə bir ağır səfər ərəfəsində qardaşıma bu barədə danışmaq istəmədim. Amma indi buna çox təəssüf edirəm, gərək o, ölməzdən əvvəl bunu biləydi".

Gill Kenyon hazırda ərinin evdən getdiyini və Barbara ilə birgə yaşadığını bildirib.

Bu mövzu ilə bağlı İŞİD qurbanı olan Alan Henninqin həyat yoldaşı Barbara Henninq heç bir açıqlama verməyib.

ANN.Az