Ermənistanda qətliam

Gümrüdə biri azyaşlı olmaqla bir evin altı sakini güllələndi

Ermənistanın Gümrü şəhərində bu səhər dəhşət yaşanıb.

ANS PRESS-in məlumatına görə, 12 yanvar tarixində bir ailənin altı üzvü güllələnib. 

Yerli mətbuatın yaydığı məlumatda, hadisənin Myasnikyan küçəsindəki evdə baş verdiyi deyilir. Güllə yarası alanlardan beşi hadisə yerində keçinib.

Ölənlərdən birinin azyaşlı olduğu bildirilir. Digər beş nəfər isə yetkin yaşlılar olub. 

Hazırda hadisə yerində hüquq-mühafizə orqanlarının əməkdaşları cəlb edilib. 

Qətliamın kim tərəfindən törədildiyi və səbəbləri barədə detallar açıqlanmır.