Pul qoxusu gənci komadan ayıltdı

Pulun gücü bir daha isbatlanmış oldu!


ANN.Az xarici ölkə mediasına istinadən xəbər verir ki, Çində tibb bacıları 1 ildən artıq komada olan oğlana pul iylədiblər və bundan sonra möcüzə baş verib: gənc komadan ayılıb.

ABŞ-də dərc olunan "New York Post" qəzetinin yazdığına görə, 2013-cü ilin avqust ayından komada olan gənci həkimlər uzun müddət ayılda bilməyiblər. Bundan sonra tibb işçiləri müxtəlif yollar axtarmağa başlayıblar. Tibb bacıları xəstə Xiao Linin valideynlərindən onun bu həyatda daha çox nəyə dəyər verdiyini və daha çox nəyi istədiyini soruşublar. "Pul" cavabını alan tibb bacıları qərar gəliblər ki, ondan istifadə etsinlər. Bu günlərdə Xiao Liyə 100 yuan iylədiblər və tibb bacıları istəklərinə nail olublar: gənc komadan ayılıb.

X.Linin həkimi Liu Tanq "20 illik doktorluq həyatımda ilk dəfədir ki, belə hala rast gəlirəm, amma bu, bizim uğurumuz kimi dəyərləndirilməlidir. Hazırda gəncin səhhətində hər şey qaydasına düşür" - deyib.

Gənc oğlan internet kafedə 1 həftə ardıcıl olaraq yuxusuz vaxt keçirdiyi üçün komada düşmüşdü.

ANN.Az