Dövlət kimsəsiz uşaqlarla belə davrandı

Filippinin paytaxtı Manilada baş vermiş hadisənin qan donduran görüntüləri ortaya çıxıb.

ANN.Az xarici ölkə mediasına istinadən xəbər verir ki, Papa Fransiskin səfəri ərəfəsində hökumət küçələrdəki kimsəsiz uşaqları köpək toplayarmış kimi yığaraq sığınacaqlara gətirib.

Uşaqların özlərindən xeyli böyüklərlə bir arada saxlanması, yatacaqların olmaması, uşaqların beton döşəmə üzərində yatması, hətta onların günlərlə ac qalması faktı ortaya çıxıb. Eyni zamanda beton döşəmə üzərində çılpaq halda ölən 11 yaşlı uşaq fotosu görənləri dəhşətə gətirib.

Fotolardan görünür ki, hətta saxlanılan kimsəsiz oğlan uşaqlarının arasında qız uşaqları da var.

Təəssüf ki, bu fakt Roma Papasının ölkəyə səfər ərəfəsində baş verib.

ANN.Az