Anjelina Colidən yezidi kürdlərə dəstək - VİDEO

Hollivud ulduzu, eləcə də BMT-nin xoşməramlı səfiri Anjelina Coli İraqın Kürd bölgəsində yerləşən Hanke Çadır düşərgəsində məskunlaşan yezidi qaçqınlarla görüşüb.

ANN.Az xarici ölkə mediasına istinadən xəbər verir ki, İŞİD terrorundan qaçaraq çadır düşərgəsinə sığınan yezidi kürdlərlə görüşən A.coli onların vəziyyəti ilə maraqlanıb, terrordan ziyan çəkən hər bir kürdün yanında olduğunu, onlara hər mənada dəstək olacağını dilə gətirib.

Qeyd edək ki, məşhur aktrisanın bölgəyə səfər edəcəyi ilə bağlı əvvəlcədən heç kimə xəbər verilməyib. Yezidi kürdlər aktrisanı böyük çoşqu ilə qarşılayıblar.

 

Qeyd edək ki, İraq və Suriyadan İŞİD terroru nəticəsində öz yurd-yuvalarından qaçan 1.6 milyon insan İraqın kürd bölgəsində məskunlaşıb.