“Twitter” öz mobil video xidmətini işə saldı

"Twitter” mikrobloqlar xidməti öz mobil tətbiqlərində çarxların çəkilməsi və dərc edilməsi funksiyasını istifadəyə verib. Bu haqda "Twitter”in korporativ bloqunda yazılıb.
 
"ICTnews" elektron xəbər xidməti "lenta.ru” saytına istinadən bildirir ki, indiyədək "Twitter”də video dərc etmək üçün onu kənar resursda və istinadı tvit kimi yerləşdirmək tələb olunurdu. Bundan başqa, "Twitter” ayrıca "Vine” qısamüddətli videoçarx xidmətinə malikdir.
 
"Twitter” xidmətinin "iOS” və "Android” üçün mobil tətbiqlərində istifadəçi tvit yaradarkən xidmətdə yeni fotoşəkil yerləşdirmək üçün fotoaparatın ikonkasına sıxa bilər. İndi kamera rejimində video çəkilişinə keçmək nişanı mövcuddur. İstifadəçi 30 saniyəlik çarxları dərc edə bilər. "iPhone” sahibləri, həmçinin əvvəllər yazılmış videoları xidmətə yükləyə biləcək, "Twitter” gələcəkdə "Android” smartfonlar üçün müvafiq funksiya söz verib.
 
Xəbər lentində çarxın önbaxışı göstəriləcək. İstifadəçi bir kliklə çarxı işə sala bilər.

ANN.Az