Dahi şairin heykəli yoxa çıxdı

Rusiyanın paytaxtı Moskvada dahi şair Aleksandr Puşkinin heykəli oğurlanıb.

ANS PRESS-in məlumatına görə, bu barədə məlumatı Moskva şəhəri Şimal-Qərb administrativ bölgəsinin idarəetmə orqanı yayıb.

Yerli hökümət qüvvələri şairin heykəlinin vandallar tərəfindən metalına görə oğurlandığını güman edirlər.

İdarəetmə orqanından bildiriblər ki, heykəl yüngül görsənsə də, əslində çox ağır olub. Buna görə də texnikanın köməyi olmadan onu oğurlamaq mümkün olmazdı.

Qeyd edək ki, bu heykəlin başına gələn ilk hadisə deyil. 1974-cü ildə açılışı olan heykəl bir dəfə də oğurlanıb.
Hazırda şairin heykəlinin axtarışı ilə polis məşğul olur.

ANN.Az