İngilislərin "Məşədi İbad"ını da belə tələyə saldılar

Pedofillikdən həbsdə yatan 50 yaşlı kişi ona qarşı qurulan tələdən xəbərsiz 480 kilometr yol qət edib.

ANN.Az xarici ölkə mediasına istinadən xəbər verir ki, İngiltərədə daha əvvəllər prdofilliyinə görə həbs olunan Roger Li prdofilləri ortaya çıxaran "Dark Justice" sosial qrupunun qurduğu tələyə düşüb.

Əvvəlcədən internet vasitəsilə Roger Li 14 yaşında yeniyetmə qızla tanış olduğunu zənn edir, öz fotolarını həmin "qız"a yollayır. Daha sonra həmin "qız"ın təklifi ilə İngiltərənin bir şəhərindən o biri şəhərinə səfər edir - Wiltshire-dən Newcastle-a qədər. Bu şəhərlər arasındakı məsafə isə düz 483 kilometrə bərabərdir.

Newcastle-a çatan pedofili isə burada qarşılayan 14 yaşlı yeniyetmə qız deyil, "Dark Justice" qrupunun üzvləri olur. Polis araşdırması zamanı bəlli olur ki, R.Li sosial şəbəkələrdə "ForHire" ləqəbindən istifadə etməklə azyaşlıları aldadırmış.

Qeyd edək ki, hazırda 50 yaşı olan R.Li daha əvvəllər 12 yaşlı qız uşağına təcavüz etməkdə və oğurluqda təqsirləndirilib və uzun müddət həbsdə olub. Onun hazırkı cəzası isə 2 il 4 aylıq azadlıqdan məhrumetmə ilə nəticələnib.

ANN.Az