Bərzanidən açıqlama: İŞİD rəsmən məğlub oldu

İngiltərənin "Əl Hayat” dərgisinə danışan Məsud Bərzani 17 min kilometr ərazini azad edərək İŞİD-i tam olaraq məğlub etdiklərini açıqlayıb.   

Axar.az xəbər verir ki, Bərzani İŞİD ilə müharibənin Səddam Hüseynlə baş verən döyüşlərdən daha çətin olduğunu deyib: "İŞİD-i məğlub etmişik. Onlar heç vaxt bağışlanmayacaq. Bu günə qədər 800 peşmərgə həlak olub. Amma İŞİD 3 min itki verib. Kürdüstan böyük bir təhdidlə qarşı-qarşıya idi.

Ancaq dəqiq deyə bilərəm ki, İŞİD-i məğlub etdik və təxminən 17 min kilometrlik ərazini azad etdik”.   Bağdadın Kürdüstana ağır çaplı silahlarla yardım edəcəyi təqdirdə terrorçuların kökünü kəsməyə hazır olduğunu deyən kürd lider terrorçulara dəstək verənlərin də cəzalandırılacağını bildirib: "Yaranan bu hadisələrin bir daha təkrarlanmasına izn vermərik. Açıq şəkildə deyim ki, insanların başını kəsib yezidi qadınları qaçıran vəhşilər heç vaxt bağışlanmayacaq. Terrorçulara dəstək verənlərə də əfv olmayacaq. Məqsədim intiqam deyil. Ədalətin bərqərar olmağını istəyirəm”.

ANN.Az