"Facebook" insanları depressiyaya salır

Yeni araşdırmalara görə "Facebook" sosial şəbəkəsində başqalarının həyatlarını müşahidə etmək insanın psixologiyasına mənfi təsir göstərir.

ANN.Az "bbc/turk"-ə istinadən xəbər verir ki, ABŞ-ın  "Missouri-Columbia" Universitetinin mütəxəssisləri "Facebook" sosial şəbəkəsindən fərqli istifadə metodları və bunların insan psixologiyasına təsirlərini araşdırırlar.

Sinqapurda aparılan və 700 şagirdin iştirak etdiyi araşdırmalar zamanı müəyyən olunub ki, "Facebook" istifadəçiləri dostlarının sosial şəbəkədə paylaşladıqlarına baxıb öz həyatlarını onlarla müqayisə edirlər. Bu müqayisə nəticəsində sosial şəbəkənin həmin istifadəçiləri yoldaşlarının həyatları kimi həyata sahib ola bilməyəndə, bu onlarda çox ağır depressiya ilə nəticələnir.

Araşdırma qrupunun üzvlərindən olan Margaret Duffy bildirib: "Facebook" sosial şəbəkəsindən "ailə və yoldaşlarla ünsiyyət" kimi istifadə olunması çox faydalı və əyləncəlidir. Ancaq "Facebook" siyahısındakı dostlarınızın varlı və ya daha zəngin olması və daha çox tanınmasından təsirlənə bilərsiniz və bu da o deməkdir ki, siz artıq depressiyaya doğru addımlar atırsınız".

Araşdırma müddətində "Facebook"dan yalnız dostlarla ünsiyyət qurmaq üçün istifadə olunmasının, hər hansı mənfi psixoloji gərginlik yaratmadığı müşahidə olunub.