Olland və Merkel yeni təkliflə Moskvaya gedirlər

Fransa prezidenti Fransua Olland və Almaniya baş naziri Angela Merkel Ukraynadakı vəziyyəti müzakirə etmək məqsədilə bu gün Kiyevdə, sabah isə Moskvada olacaqlar.

ANN.Az xarici ölkə mediasına istinadən xəbər verir ki, bu barədə F.Olland bu gün keçirdiyi mətbuat konfransında məlumat verib.

Kiyevdə rəsmi görüşlər keçirdikdən sonra Moskvaya gedəcəklərini deyən Olland "Merkal ilə birlikdə yeni bir təşəbbüs irəli sürdük və qərara gəldik ki, bu axşam Kiyevə gedək. Ukrayna böhranını çözmək üçün yeni təkliflərimiz var. Bu təkliflər Ukrayna torpaqlarının bütövlüyünü təmin etmiş olacaq".

Qeyd edək ki, ABŞ xarici işlər naziri Con Kerri də Ukraynadadır.

ANN.Az