“İŞİD” üç iraqlını diri-diri yandırdı

"İŞİD” terror qruplaşması İraqın Anbar vilayətində 3 nəfəri edam edib.

APA-nın RİA Novosti agentliyinə istinadən verdiyi məlumata görə, terrorçular casusluqda günahlandırılan şəxsləri camaatın gözü qarşısında diri-diri yandırıblar.
 
Edam edilənlər İraqın təhlükəsizlik qüvvələrinə qruplaşmaya dair məlumatların ötürülməsində təqsirli biliniblər.
 
Fevralın 3-də "İŞİD”  əsir götürdüyü iordaniyalı pilot Muat əl Kəsasbehin edam səhnəsini əks etdirən kadrlar yaymışdı. İnternetdə yerləşdirilmiş video çarxda silahlıların dəmir qəfəsə salınmış iordaniyalı pilotun üzərinə benzin tökərək diri-diri yandırması səhnəsi əks olunmuşdu.    

ANN.Az