15 dəqiqə müddətində diaqnoz qoya bilən cihaz

Nyu-York şəhərində yerləşən Kolumbiya Universitetində çalışan tədqiqatçıların hazırladığı cihaz smartfona qoşulduqda bir damcı qanın köməyi ilə xəstəliyə diaqnoz qoymağa malikdir. Bu halda diaqnozun qoyulması cəmisi 15 dəqiqə vaxt alır.

"ICTnews" elektron xəbər xidməti "hi-news.ru" saytına istinadən bildirir ki, alimlər öz tədqiqatlarınaimmun çatışmazlığı virusu və sifiliskimi ciddi xəstəliklərə diaqnoz qoymaqla başlayıblar. Cihaz diaqnoz qoymaq üçün xüsusi çıxarılıb taxılan plastik kasetlərdən istifadə edir.

Tədqiqatçılar iddia edir ki, onların cihazı bir çox başqa xəstəliklərin ənənəvi yoxlama metodlarını əvəzləməyə qadirdir. Cari metodun çatışmazlıqlarından biri qananalizinin tədqiqi üçün avadanlığın satış qiymətinin baha olmasıdır. İmmunoferment analiz üçün qurğunun satış qiyməti orta hesabla 18 min dollar təşkil edir. Kolumbiya Universitetində hazırlanmış yığcam cihazın satış qiyməti 34 dollardır.

Qurğu inkişaf etməkdə olan ölkələrdə istifadə üçün tövsiyə edilib. Ruanda Respublikasında qurğunun sınaqdan keçirilməsindənsonra yoxlanılanların 97 faizi analizlərin keyfiyyətindən razı qalıb və bu cihazı  öz tanışlarına məsləhət görməyə razılaşıblar. Testin keçirilmə sadəliyi onların ürəyincə olub.

ANN.Az