İŞİD İran generalını qətlə yetirdi

İŞİD terrorçuları İran İnqilabı Mühafizlərinin yüksək çinli generalını öldürüb.

ANN.Az xarici ölkə mediasına istinadən xəbər verir ki, İranın "Tasnim" xəbər agentliyi general Seyyid Riza Hüseyni Mukaddemin Bağdadın şimalındakı Samirə şəhəri yaxınlığında öldürüldüyü haqda məlumat yayıb.

Xəbərdə deyilir ki, ötən şənbə günü öldürülən general İŞİD-lə mübarizə aparmaq məqsədilə İraqa gedib. General vəziyyəti üzrə Nəcəf şəhərində dəfn olunub.

Təxminən, 1,5 ay əvvəl İŞİD terrorçuları İran İnqilabı Mühafizləri ordusunun Həmid Takavi adlı başqa bir generalı qətlə yetirmişdilər.

ANN.Az