Milyarder edam olundu

Çinin Siçuan bölgəsində mafiya ilə əlaqəsi olmaqda günahlandırılan holdinq rəhbəri Liu Han edam edilib.

ANN.Az "radikal.com.tr"ə istinadən bildirir ki, 2014-cü ilin may ayında mafiyada fəaliyyət göstərən, eləcə də bir çox başqa cinayətlər törədən "Hanlong Qrup"un keçmiş rəhbəri Liu Han, kiçik qardaşı, eləcə də 3 köməkçisi haqqında Çinin Ali Məhkəməsi edam hökmü çıxarıb. Dünən həmin hökm yerinə yetirilib.

Milyarderin dövlət adamları, eləcə də kəşfiyyat orqanlarının rəhbərləri ilə əlaqəsi olduğu deyilir.

"Hanlong Qrup" mədənçilik, telekommunikasiya və kimyəvi maddələr də daxil olmaqla bir çox sənaye malları istehsalı üzrə ixtisaslaşıbmış.

ANN.Az