Qadınların İŞİD-a qoşulmasının səbəbi nədir?

Professor Suzanna Skröter qadınların İŞİD terror təşkilatına qoşulmasının  səbəblərini araşdırıb.

ANN.Az Türkiyə mətbuatına istinadən xəbər verir ki, Skröterə görə, İŞİD-in işğal etdiyi yerlərə gedən qadınların ilk məqsədi "eşq tapmaqdır".

İŞİD sıralarında döyüşən qadınlardan ibarət El Hansa Briqadaları tərəfindən nəşr edilən mətni Professor Suzanna Skröter "Deutsche Welle" qəzeti üçün şərh edib.

Professorun fikrincə, terror təşkilatı İŞİD-ə qoşulan xarici vətəndaşların 10 faizi gənc qadınlar, ya da hələ 18 yaşı tamam olmamış gənc qızlardır. 

Almaniyadan bu terror təşkilatına qoşulan gənc qadınların sayının 60 olduğu ehtimal olunur. Keçən ay El Hansa Briqadalarının ərəbcə nəşr etdiyi və qadınları İŞİD-ə qoşulmağa səsləyən manifestdə, bu qadınları orada nəyin gözlədiyi barədə çox az məlumat verilib. 

El Hansa Briqadalarının üzvləri İŞİD-in işğal etdiyi bölgələrdə qadınların paltarlarının dini qaydalara uyğun olub-olmadığına da nəzarət edir.