Obamadan tarixi çıxış: "Biz İslamla müharibə aparmırıq"

ABŞ prezidenti Barak Obama İŞİD-in özünü "İslam Dövləti", "dinin müdafiəçisi" kimi qələmə verməsinə işarə edərək "Onların iddia etdiyi kimlikləri əsla qəbul etmirik, çünki bunlar yalandır. Onlara istədikləri dini legitimliyi də verməməliyik. Onlar dini liderlər deyil, terrorçulardır. Biz də İslamla müharibə aparmırıq, islamı təhrif edənlərlə müharibədəyik" deyib.
 
ANN.Az xarici ölkə mediasına istinadən xəbər verir ki, Ağ Evdə təşkil olunan "Şiddəti Ehtiva Edən Ekstremizmlə Mübarizə Sammitində" çıxış edən Obamanın çıxışının əsasını Karolinada Chapel Hill qəsəbəsində üç müsəlman gəncin qəddarcasına öldürülməsi faktı təşkil edib.
 
Gənclərin "qəddarcasına" öldürüldüyünü bildirən Obama "Bu hadisə bir çox amerikalı müsəlmanda narahatlıq yaradıb və onları qorxudub. Amma açıq bəyan edirəm: inancından asılı olmayaraq və fərqli yerlərdən gələn amerikalılar, sizlərin yanınızdayıq və sizlərə ehtiramlarımızı və dəstəyimizi bildiririk".
 
 
 
"Onlar dini lider deyil, terrorçulardır"

Prezident hazırda təxirəsalınmaz məsələnin İŞİD və "Əl-Qaidə"nin yaratdığı terrorizm olduğuna diqqət çəkib və ekstremizmlə mübarizənin yalnız hərbi məsələ olmadığını, bunların ideoloji, iqtisadi və siyasi aspektlərinin olduğunu vurğulayıb.
 
Ekstremizm ideologiyası ilə mübarizədə bu qrupların "legitimlik" qazanmaq üçün əllərindən gələni etdiyini bildirən Barak Obama İŞİD-in tanınmasına yönəlik media və mütəxəssislər arasında mübahisəyə diqqəti çəkib: "Özlərini dini liderlər, İslamın müqəddəs müdafiəçiləri kimi göstərməyə çalışırlar. Bu səbəblə özlərini İslamı Dövlət kimi elan edirlər və bununla da ABŞ-ın və Qərbin İslamla müharibədə olduğu təəssüratını, mənzərəsini yaratmaq istəyirlər. Bununla da özlərinə tərəfdaş, kadrlar toplayırlar. Gəncləri radikallaşdırmağa çalışırlar. Onların ortaya qoyduğu bu terminləri əsla qəbul etməməliyik, çünki bunların hamısı yalandır. Onlara istədikləri dini legitimliyi də verməməliyik. Onlar dini liderlər deyil, terrorçular. Biz də İslam ilə müharibədə deyilik, islamdan sui-istifadə edənlərlə, onun adından istifadə edənlərlə müharibədəyik".

"Terrorizmə görə heç bir din məsuliyyət daşıya bilməz"

Obama müsəlman cəmiyyəti xaricində "Qərblə İslam, yaxud modern yaşamla islamın qarşıdurma halında olduğuna yönəlik terrorçu ritorikalarının rədd edilməsinin lazım olduğunu" bildirib. Prezident əlavə edib ki, bu məsələdə müsəlman ölkələrin rəhbərləri də öz çıxışlarında diqqətli olmalıdırlar.
 
Prezident Obama "Əl-Qaidə" və İŞİD-in İslami mətnlərdən seçmələr istifadə etdiklərini, Yaxın Şərqdə kolonyalizm və sui-qəsd ssenarilərindən bəhrələnməklə "İslamın modernizm və ya tolerantlığa dözümsüzlüyü, yaxud islamın Qərb dəyərləri tərəfindən çirkləndirildiyi" kimi inancların daha çox yayqın olduğunu xatırladıb.
Bunların da bəzi gənclərin radikallaşmasına səbəb olduğunu ifadə edən Obama, "Terrorçular təbii ki, onların ideologiyalarını rədd edən bir milyard müsəlman adından danışa bilməzlər. Onlar Allah deyərək günahsızları öldürən xristian, yəhudi, buddist və hindulardan daha çox İslamı təmsil edə bilməzlər. Terrorizmdə heç bir din məsuliyyət daşıya bilməz, terrorizmdən və zorakılıqdan insanlar cavabdehdir"- qeyd edib.
 
Prezident əksər islami ölkə rəhbərlərinin sülh, ədalət və xoş münasibət sərgilədiyini xatırladıb və müsəlmanların müqəddəs kitabından sitat gətirib: "Quran" kim məsumu öldürərsə, bütün bəşəriyyəti öldürmüş olur deyir. Bu səözlər dünya əhalisinin bir milyarddan çoxunu təşkil edən nüsəlmanları təmsil edir".

Daha sonra prezident Obama islam adından danışanlarla, terrorizmlə məşğul olanlarla mübarizənin beynəlxaql səviyyədə olmasını, bütün səylərin birləşdirilməsini vurğulayıb.

Çıxışının sonunda "Sevgililər günü"ndə ona ürək formasında açıqca vasitəsilə  məktub yollayan 11 yaşlı müsəlman qızın - Sabrinanın məktubundan sitat gətirib: "Müsəlmanlara nifrət edən insanlardan narahat oluram. Bəzi müsəlmanların pis hərəkəti hamının eyni addımı atması anlamına gəlməməlidir. Xahiş edirəm, hər kəsə söyləyin; Bizlər yaxşı insanlarıq və bizlər də hamı kimiyik".
 
Obama Sabrina kimi gənclərin gələcəyi təmsil etdiyini də dilə gətirib.


ANN.Az