Kipr limanlarını Rus donanmasına açır

 

Kipr prezidenti Nicos Anastasiadis Moskva səfəri zamanı iki ölkə arasında Kipr limanlarının Rus hərbi gəmilərinin istifadəsinə verilməsi üçün razılaşma imzalayıb.

 

ANN.Az türk mediasına istinadən xəbər verir ki, Rusiya prezidenti Vladimir Putin liman razılaşmasına görə heç bir narahatçılığa əsas olmadığını deyib: "Rus donanması terrorla mübarizə və dəniz quldurluğu kimi hadisələrin qarşısını almaq üçün limanlardan istifadə edəcək". 

Putin əlavə edib: "Kipr ilə imzaladığımız razılaşma heç kimi hədəfə almır. Bu saziş heç kimi təşvişə salmamalıdır”.

 

Rəsmi Moskva Qərbin tətbiq etdiyi sanksiyalardan sonra başda Kipr, Macarıstan və Yunanıstan kimi ölkələr olmaqla, bəzi Avropa ölkələriylə əlaqələrini gücləndirməyə çalışır.