Ukrayna ordusu geri çəkildi

Ukrayna hərbçiləri bu gündən etibarən cəbhə xəttindən ağır silahların çıxarılmasına başlayıb.

ANS PRESS-in məlumatına görə, bu barədə Ukrayna mətbuatı xəbər yayıb.

Bildirilir ki, bu gün ilk dəfədir cəbhə xəttində ciddi qarşıdurma, itki qeydə alınmayıb. Bu, rusiyapərəst separatçıların Debaltseve şəhərini ələ keçirməsindən sonra Minsk razılaşmasının həyata keçiriləcəyinə ümid yaradır.

Xatırladaq ki, fevralın 12-də imzalanmış sənədə görə, tərəflər fevralın 15-də atəşkəs elan etməli, 2 gündən sonra isə ağır silahları geri çəkməli idilər. Amma bundan sonra separatçılar Debaltseveni ələ keçiriblər.

Ukraynanın şərqində hökumət qüvvələri ilə rusiyapərəst separatçılar arasında ötən ilin aprelindən gedən döyüşlərdə 5600-dən çox insan ölüb.

ANN.Az