Qərbi Avropa şəhəri: Vyana - FOTOLAR

Rüstəm Qasımov

Vyana Avstriya Federal dövlətinin paytaxtıdır. Bu şəhər digər on federal torpaqdan biri kimi Cənubi Avstriyada yerləşir. Viyana ölkənin əhali sayına görə ən böyük şəhəridir. Avropa Birliyində isə ən böyük şəhərlər arasında on birinci yerdə gedir. Vyana Avstriyanın mədəni, iqtisadi və siyasi mərkəzidir.

Vyana Nyu York və Cenevrədən sonra BMT-nin ofislərinin yerləşdiyi üçüncü şəhərdir. Vyana beynəlxalq mərkəzi (UNO-city adlanır) özündə, MAQATE-ni və BMT-nin sənaye inkişafı ilə bağlı təşkilatını və digər qurumlarını birləşdirir. OPEK və ATƏT-in baş ofisləri də burada yerləşir.

Qədim Vyana şəhəri və Şenbrun sarayı 2001-ci il dekabr ayında YUNESKO-nun dünya mirası siyahısına daxil edilib.  

2012-ci ildə beynəlxalq araşdırma mərkəzi olan "Mercer” 221 şəhər arasında yüksək həyat şəraiti ilə bağlı apardığı araşdırmada Viyana ard-arda birinci yeri tutub. "The Ecenomist” jurnalı 2011-ci ildə Vyananı (Melburun və Vankuverdən sonra) üçüncü ən kamfortlu şəhər seçib. Qeyd etmək yerinə düşər ki, Vyanada olan parklardan birində, dahi azərbaycanlı bəstəkarı Üzeyir Hacıbəyovun heykəli yerləşir. Avstriyanın paytaxtında hətta müxtəlif mədəni tədbirlərin təşkil olunduğu, Azərbaycan mədəniyyət mərkəzi fəaliyyət göstərir. Vyana opera sevərlərin əsl cənnətidir, çünki burada operaya xüsusi dəyər verilir. Şəhər həm qədim, həm də müasir tikililərlə zəngindir. Vyanada istirahət etmək və xoş vaxt keçirtmək üçün çoxlu sayda cürəbəcür parklar var.

ANN.Az portalı, Qərbi Avropanın ən gözəl şəhərlərindən biri olan Vyananın şəkillərini sizlərə təqdim edir.

Fotolar bizim daimi oxucumuz Tereza Malekə məxsusudur. Bizim portalla əməkdaşlıq etdiyi üçün ona dərin təşəkkürümüzü çatdırırıq.